alveyra.net

Ipinanganak ako sa nung panahong ang elektrisidad ay isang luho na wala pa sa aming lugar. Natatandaan ko pa, lagi kaming mayroong gasera.Pagsapit nang hapon, kailangan nalagyan na ng gas ang mga ilawan, habang maliwanag pa. Wala kaming aladin noon (Coleman ang brand ng sa mga lolo ko). Kalimitan e mga may-kaya lang ang meron nun. At karaniwang ginagamit kapag may pagtitipon o kasayahan. Ha ha! Naalala ko pa noon, kapag may kasalan, ganun ang ilaw. Pero ang hindi ko makakalimutan na gamit ng gasera ay yung panahong kami ng tatay ko ay inaabot nang madaling-araw sa paglalaro ng ahedres. Kahit laging ako ang tagataya ng mga pyesa, ayos lang. Oras yun na nagugugol kasama ang tatay ko. Sa umaga nga laang, e di ang itim ng kulangot. Ha ha! Ang mga panahong yun, masarap alalahanin.

Noong bata pa ako, ang sanga ng aswete ang isa sa mga paborito naming gawing trumpo. Ikaw nga, pag gawang aswete, ay maganda ang hugong. Naging paksa din ng mga biruan ang aswete at ang katangian nitong gumawa ng kakaibang tunog. Nang lumaon, kapag sinabihan kang gawa sa aswete, ibig sabihin nun ay mayabang o maangas ka, kase mahugong o maingay. Ha ha! Malalaman mo talaga ang pilantik ng diwa ng mga tambay sa ganun.

Kuhol. Sa unang bigkas pa lang ng salitang iyan ang nag-iimbita na ng pagbulusok ng mga alaala ng aking kabataan. Una, bilang pang-ulit (tease) sa aking nakatatandang kapatid. Ikalawa, ang kuhol ay mas malalim na kahulugan para sa akin. Nung bata pa ako, kami ng tatay ko ay inaabot ng ilang oras sa ilog sa pangunguha nito. Dumadayo pa kami sa Bayog kapag tag-init at doon nangunguha ng kuhol. Bagaman at ang pangunahing dahilan ng pangunguhol namin ay upang maiulam, para sa akin, higit pa roon ang naging papel ng kuhol. Ang mga oras na nakasama ko ang tatay ko, daig pa ang nakapamasyal sa Disneyland. Na naging ginintuan at mahalagang alaala, lalo na nung maaga s'yang kinuha ng Poong Maykapal. Naging daan din yun upang pahalagahan ko ang payak na pamamaraan nang pamumuhay ng aking pamilya. Bagama't salat kami sa mga karangyaan, lagi kaming masaya kung ano man ang nakahain sa aming hapag-kainan. Kuhol. Pako (fern). Puso ng saging. Dahon ng gabi (ginagawang laing). Ilan lamang s

Tao po! Ang magalang na pagtawag kapag dumating ka sa tahanan ng iba. Ginagamit ito upang magalang na humingi ng pansin mula sa mga namamahay. Maligayang pagdating sa talaan ng mga pangyayari na gusto kong ibahagi.O mga ideya na sumagi sa isipan na gusto ring maalala.